ئێران خۆى بە براوەى هەڵبژاردنى پەرلەمانى عێراق دەزانێت و پێیوایە، هەوڵەکانى ئەمریکا بۆ لاوازکردنى هەژموونى لە بەغداد شکستیان خواردووە. فەریق ڕەسووڵ سنەیی، یاریدەدەری کاروباری سیاسی لە فەرماندەیی گشتیی هێزە چەکدارەکانی ئێران، بزووتنەوەی “سادیقون” (باڵی سیاسی عەسائیب ئەهلی حەق) لە هەڵبژاردنی ئەم دواییەی عێراقدا ئەنجامێکی بەرچاوی بەدەستهێناوە، کە بە ئەمەى بەڵگە زانیوە بەوەى “گرەوەکانی دوژمن لەسەر لاوازکردنی نفوزی ئێران لە عێراقدا شکستی هێناوە. سەبارەت بە لوبنان، سنەیی رایگەیاند، حزبوڵڵا ڕووبەڕووی ئاستەنگی ئەمنی و سیاسی دەبێتەوە، "بەڵام دۆخی ئەمڕۆی لە پێنج شەش مانگ پێش ئێستا باشترە"، ئاماژەی بەوەشکرد "دوژمن ئێستا هەست دەکات تەنانەت گۆڕی سەید حەسەن نەسروڵڵاش بووەتە هێمایەکی ئیلهامبەخش بۆ بەرەى مقاوەمە. باسى لەوەش کردووە، پێشهاتەکانی ئەم دواییەی عێراق و لوبنان ڕەنگدانەوەی “گۆڕانکاری ڕوون لە هاوسەنگی هێزی ناوچەیی” نیشان دەدەن، جەختیشیکردووەتەوە، کە ئەنجامی هەڵبژاردن لە عێراق و خۆڕاگری حزبوڵڵا لە لوبنان "بەردەوامی کاریگەری هێزەکانی بەرەوەى مقاوەمە سەرەڕای تەحەددیاتەکان" نیشان دەدات. سەنەیی باسى لەوەش کردووە، کە پێشهاتەکانی عێراق و لوبنان "هاوکاتە لەگەڵ گۆڕانکاری لە هاوکێشەی ڕێگریکردن"، کە ئێران لە سەردەمی دوایین جەنگ لەگەڵ ئیسرائیلدا سەپاندبووى، جەختیشی کردەوە "ژینگەی ناوچەیی چووەتە قۆناغێکی نوێ، کە تیایدا بەرەى مقاوەمە ڕۆڵێکی بەرچاوتر و کاریگەرتری دەبێت".