شاندێکی مەکتەبی سیاسی پارتی، ئەمڕۆ سەردانی مەکتەبی سیاسی یەکێتی دەکات. لە چوارچێوەی سەردانەکانی شاندی مەکتەبی سیاسی پارتی بۆ لای لایەنە براوەکانی هەڵبژاردنی پەرلەمانی عێراق بڕیارە ئەمڕۆ سەردانی مەکتەبی سیاسی یەکێتی بکەن. بەپێی زانیارییەکان، شاندی مەکتەبی سیاسی پارتی گفتوگۆ لەبارەی دەستپێشخەرییەکی مەسعود بارزانی بۆ یەک هەڵوێستی سەرجەم لایەنەکان و پێکهێنانی کابینەی دەیەم و کاراکردنەوەی پەرلەمان دەکرێت. کۆبونەوەی شاندی پارتی و یەکێتی لە دوای گرژی و ئاڵۆزییە میدیاییەکانی نێوان هەردوو حیزب دێت لە چەند رۆژی رابردوو.