بوار، تایبەت
دوای دەستپێشخەرییەکەی یەکگرتووی ئیسلامی کوردستان؛ مەسرور بارزانی، سەرۆکی حکوومەتی هەرێمی کوردستان یەکەم هەنگاوی کرداریی بۆ جێبەجێکردنی ناوەڕۆکی یاداشتەکەی یەکگرتووی ئیسلامی هاوێشت و بە فەرمی بڕیاری ڕاگرتنی هەڵمەتی ڕاگەیاندنی دا.

ئەمڕۆ مەسرور بارزانی لە هەولێر لە سەلاحەددین محەمەد بەهائەدین، ئەمینداری گشتیی یەکگرتووی ئیسلامیی کوردستان کۆبوویەوە.

لە کۆبوونەوەیەکەدا، مسرور بارزانی پێشوازی لە دەستپێشخەرییەکەی یەکگرتووی ئیسلامی کوردستان کرد و بڕیاریدا بە ڕاگرتنی هەڵمەتی ڕاگەیاند دژی یەکێتیی نیشتمانی کوردستان، ئەمەش وەک هەنگاوێک بۆ هێورکردنەوەی بارودۆحی هەرێمی کوردستان و ڕەخساندنی زەمینەیەک بۆ کاراکردنەوەی پەرلەمان و پێکهێنانی کابینەی نوێی حکوومەتی هەرێمی کوردستان.

دوێنێ سەلاحەدین بەهائەدین سەردانیی بافڵ تاڵەبانی، سەرۆکی یەکێتیی نیشتمانیی کوردستان کرد و تێیدا دەستپێشخەرییەکی ڕاگەیاند