سەرۆکی ویلایەتی یەکگرتووەکانی ئەمریکا، لە تۆڕی کۆمەڵایەتی (تروس سۆشیال) ڕایدەگەێنێت، وەک سەرۆکی ویلایەتە یەکگرتووەکانی ئەمریکا، هێرش و بۆردوومانە دیاریکراوەکانی ئەمشەوی سەر ئێرانی هەڵوەشاندەوە.

دۆناڵد ترەمپ سەرۆکی ویلایەتە یەکگرتووەکانی ئەمریکا ڕایگەیاند: بە پشتبەستن بەو ڕاستییەی کە گفتوگۆکان لەگەڵ کۆماری ئیسلامیی ئێران گەیەندراونەتە بەرزترین ئاستی سەرکردایەتیی ئێران و پەسندکراون، من وەک سەرۆکی ویلایەتە یەکگرتووەکانی ئەمریکا، هێرش و بۆردوومانە دیاریکراوەکانی ئەمشەوی سەر ئێرانم هەڵوەشاندەوە.

ترەمپ ئاماژەی بەوەشداوە: گفتوگۆکان و خاڵە کۆتایییەکان، هەم لە ڕووی چەمک و هەم لە ڕووی وردەکاریی گەورەوە، لەلایەن سەرجەم لایەنە پەیوەندیدارەکانەوە پەسندکراون، لەوانەش: ویلایەتە یەکگرتووەکانی ئەمریکا، ئیسرائیل، عەرەبستانی سعوودی، میرنشینە یەکگرتووەکانی عەرەبی (ئیمارات)، قەتەر، تورکیا، پاکستان، بەحرەین، کوێت، ئوردن، میسر و لایەنەکانی دیکە.