بوار، چەمچەماڵ

هێزێکی سەربە فەوجی چواری کۆماندۆ لە خۆرئاوای کێڵگەی کۆرمۆر دەست بەسەر دوو سەکۆی هەڵدانی کاتیۆشادا دەگرن.

هێزەکەی کۆماندۆ سەر لەبەیانی ئەمڕۆ جوڵەی بۆ ناوچەکانی نێوان قادرکەرەم و دووز خورماتوو کردووە و دوای دەست بەسەرداگرتنی سەکۆکان تا ئێستا هێزەکان لەو شوێنەو دەوروبەری ماونەتەوە.

سەرچاوەیەک لە ئاسایشی ناحیەی قادرکەرەم بە بواری ڕاگەیاند گومان هەیە سەکۆکان بۆ هێرشی نوێ ئامادەکرابن و پەیوەندییان بە هێرشەکانی ڕابردووەوە نەبێت و ئێستا هێزە ئەمنیەکان سەرقاڵی بەدوادا گەڕان و کێوماڵن لە دەوروبەری کێڵگەی کۆرمۆر.