عربي
لەم وڵاتە هەموو كەس بوونەتە پسپۆر لە بابەتی كامێرای پۆینت توو پۆینت و لێناگەڕێن دامەزراوەو كەسانی پسپۆر لە بواری خۆیان ئیشەكانیان بكەن. مەبەست لە دانانی كامێرای پۆینت توو پۆینت بۆ ئەوەیە رێگاكان و سەروماڵی هاووڵاتیان پارێزراو بێت و سەلامەت بن. بە كۆنتڕۆڵكردنی تیژڕەوی دەتوانین رووداوەكانی هاتووچۆ كەمبكەینەوە، بێگومان تیژڕەویش بە كامێرا كۆنتڕۆڵ دەكرێن. ئەو كامێرانەی پێشتر لە هەرێم هەبوون، هەم مۆدیلی كۆن بوون، هەم كاركردنیان باش نەبوون، بۆیە بەهۆی زۆری رووداو و زیادبوونی قوربانییەكان، بیرمان لێكردەوە سیستمی كامێرای پۆینت توو پۆینت دابنێین. ئەوانەی لە بابەتی كامێرای پۆینت توو پۆینت خۆیان كردووەتە پسپۆر، دەبێت هاوكاری حكومەت بن، نەك رێگر بن. ئەو پۆپۆلیستانەشی دەڵێن هاووڵاتیان لەم سیستمە زیان دەكەن، ئەوان بیر لە سەلامەتی هاووڵاتیان و شەقامەكان ناكەنەوە. سیستمی كامێرای پۆینت توو پۆینت دەبێتە هۆی كەمكردنەوەی رووداوەكانی هاتووچۆو تیژڕەوی ئۆتۆمبیلەكان.
