عربي
دەنگۆی هێرش بۆ سەر باڵیۆزخانەی ئەمریکا لەبەغدا هەیە
بوار:
دەنگۆ هەیە هێرش کراوەتە سەر باڵیۆزخانەی ئەمریکا لە ناوچەی سەوز لە ناوەڕاستی بەغدا.
ئاژانسی ڕۆیتەرز ئاشکرایکرد، شەوی رابردوو زەنگی ئاگادارکەرەوەکان لەناو باڵیۆزخانەی ئەمریکادا لێیداوە، بەڵام بەرپرسان "ڕەتیانکردووەتەوە" هۆکارەکانی ڕوونبکەنەوە.
ئاژانسەکە بڵاویشیکردەوە، بەهۆی ئەگەری هێرشەوە بۆ سەر باڵوێزخانەکە زەنگی ئاگادارکردنەوەکە لێیداوە، بەڵام بەهۆی سیستمە بەرگرییەکانەوە، هێرشەکە پوچەڵکراوەتەوە.
لای خۆیەوە سەرچاوەیەکی ئەمنی بۆ بەغداد یەوم پشتراستیکردووەتەوە، کە زەنگی ئاگادارکردنەوەکە بەهۆی ئەگەری هێرشەوە لێدراوە، بەڵام تائێستا زانیاری لەبارەی سەرچاوەی هێرشەکە نەزانراوە.
