عربي
#بوار
ئەو ئەفسەرەی وەزارەتی پێشمەرگە کە تۆمەتبارە بە هەوڵی تیرۆرکردنی ڕۆژنامەنوس وریا عەبدولخالق هەوڵی شێواندنی دۆسیەی ڕۆژنامەنوس وریا عەبدولخالق دەدات.
بەپێی زانیارییەکانی بوار، عەقید تەحسین تەها، کە تۆمەتبارە بە هەوڵدان بۆ تیرۆرکردنی ڕۆژنامەنوس وریا عەبدولخالق، پەیوەندی بە چەند بەرپرسێکی یەکێتییەوە کردووەو ئەو دۆسیەیەی وا وێنا کردووە کە ئەمە کێشەیەکە لە نێوان برازایەکی ئەو و ئەو ڕۆژنامەنوسە ڕوویداوە.
ئەو ئەفسەرەی وەزارەتی پێشمەرگە لە ڕێگەی چەندین بەرپرسی حکومی و حیزبی و کەسایەتییەکانی چەمچەماڵەوە هەوڵی ئەوە دەدات لە ڕێی سوڵحی عەشایەرییەوە ڕۆژنامەنوس وریا عەبدولخالق سکاڵای یاسایی لەسەر ناوبراو نەنوسێت بۆ ئەوەی ئاراستەی دۆسییەکەی بگۆڕێت.
لە ئێستادا ڕۆژنامەنوس وریا عەبدولخالق لە دادگای بەرایی چەمچەماڵ سەرقاڵی تۆمارکردنی سکاڵای یاساییە لەسەر دۆسییەکەی.
