بەبۆنەی كۆتایی ساڵ و هاتنی ساڵی نوێ وە وەزارەتی دارایی عێراق لە 25ی ئەم مانگە حساباتی دارایی ئەمساڵ دادەخات، لەو چوارچێوەیەشدا دەبێت لەم هەفتەیەدا بابەتی مووچەی مانگەكانی 11 و 12ی فەرمانبەرانی هەرێم یەكلای بكرێتەوە. بەگوێرەی ڕاگەیەندراوێكی وەزارەتی دارایی عێراق، بڕیارە لە25ی ئەم مانگە حساباتی دارایی ئەمساڵ دابخرێت، لەدوای ئەو داخستنەشەوە ناتواندرێت هیچ بڕەپارەیەك لە ساڵی 2024 بۆ هیچ مەبەستێك خەرجبكرێت یاخود تەرخان بكرێت، بەڵكوو دەبێت پێش ئەو وادەیە بڕیار لەسەر هەر بڕیارەیەك بدرێت كەپێویستە خەرجبكرێت. ئاماژەبەوەشكراوە، لە چوارچێوەی ئەو بڕیارەی وەزارەتی دارایی عێراق دەبێت تا رۆژی چوارشەمەی ئەم هەفتەیە مووچەی مانگەكانی 11 و 12ی فەرمانبەرانی هەرێم یەكلایی بكرێتەوە بەناردنی بڕە پارەیەكی دیكە یاخود هەر بڕی 631 ملیارەیە كە بەغدا بۆ مووچەی مانگی 11 ی ڕەوانە كردووە. بەگوێرەی زانیارییەكانی بوار، حكومەتی هەرێم دەیەوێت لەدوای كۆتایی هاتنی مووچەی مانگی 10 لیستی مووچەی مانگی 11 ڕابگەیەنێت، بەڵام دیار نییە تا كۆتایی ئەم مانگە سەرجەم مووچەكان دەدرێت یاخود بەشێكیان دەكەونە دوای سەری ساڵ، هاوكات چارەنووسی مووچەی مانگی 12 هیشتا بەناردیای ماوەتەوە.