پەرلەمانتارێكی كورد ڕوو لە سەرۆكی حكومەت و بەرپرسانی دیكەی حكومەتی هەرێم دەڵێت" عێراقی دوژمن كە سەرۆك كۆمارەكەی و دەیان بەرپرسی باڵای كوردە ئەمساڵ 10 تریلۆن و 253 ملیار دیناری بۆمووچە ناردووە، چۆن ڕووتان دێت پیرۆزبایی ساڵی 10مانگی لەخەڵك دەكەن"

سۆران عومەر، ئەندامی ئەنجومەنی نوێنەرانی عێراق لە پەڕەی تایبەتی خۆی لە تۆڕی كۆمەڵایەتی فەیسبوك بلاویكردەوە، عێراق موچەی مانگی10ی نارد بەڵام 17 ڕۆژ دەستان بەسەردا گرت، دواتر بە حەوت ڕۆژ دابەشتان كرد، ئێستەش 14 ڕۆژە موچەی مانگی 11ی ناردووە ئامادە نەبوون دابەشی بكەن خەڵكتان سەرقاڵ كردووە بەوەوە بەغدا موچەی مانگی 12ی نەناردوە.

ئامتژەی بەوەشكردووە، عێراقی دوژمن كەسەرۆك كۆمارەكەی و دەیان بەرپرسی باڵای كوردە ئەمساڵ 10 ترلیۆن و 253 ملیار دیناری بۆ مووچە ناردووە، ئێوە تەنها دابەشكردنی موچەتان لەسەرە دەستی بەسەردا دەگرن، لەكاتێك دا هیچ ساڵێك هێندەی ساڵی 2024 داهاتی نەوت و ناوخۆی زۆر نەبووە.

سۆران عومەر ئەوەشی نوسیوە، هیچ ساڵێك بەقەد ئەمساڵ داهاتیان نەبردووە، بەڵام ئامادە نەبوون لەو داهاتە زۆرە تەواوكاری موچەی خەڵك بدەن، ئیتر چۆن ڕووتان دێت پیرۆزبایی ساڵی 10 مانگی لە خەڵك دەكەن