ژمارەی مۆڵەتدان و هاوردەكردنی ئۆتۆمبێل بۆ هەرێمی كوردستان زیادیان كردووە، لە ماوەی یەك ساڵدا زیاتر لە 172 هەزار ئۆتۆمبێل هاوردەی هەرێمی كوردستان كراون و بەشێكیان بۆ شارەكانی ناوەڕاست و خوارووی عێراق نێردراون. نەوزاد شێخ كامیل، بەڕێوەبەری گشتیی بازرگانی لە وەزارەتی بازرگانی رایگەیاند: لەساڵی ڕابردوو 924 مۆڵەتی هاوردەكردنی ئۆتۆمبێل دراوە بە كۆمپانیاكان و بازرگانان، لە هەریەكە لە دەروازەكانی ئیبراهیم خەلیل، پەروێزخان و باشماخ 172 هەزار و 234 ئۆتۆمبێل هاوردەی هەرێمی كوردستان كراون. ئاماژەی بەوەشكردووە، بەشێك لەو ئۆتۆمبێلانە بۆ شارەكانی دیكەی عێراق ڕۆیشتوون، هاوكات لە ساڵی 2023 بەگشتی 900 مۆڵەت بە بازرگانان دراوە بۆ هاوردەكردنی ئۆتۆمبێل و 122 هەزار ئۆتۆمبێلیش هاوردە كرابوو، بەمجۆرە ساڵی 2024 بەراورد بە ساڵی 2023 بەتێكڕا 50 هەزار ئۆتۆمبێل زیاتر هاوردە كراوە.
عربي
