بەڕێوەبەرایەتی خزمەتگوزاری ژینگەیی بڵاوی كردەوە كە تەنها لە شەوی ڕابردوو بەبۆنەی ئاهەنگی شەوی سەری ساڵی نوێ‌ تیمەكانیان سەرقاڵی پاككردنەوەی خۆڵ و خاشاكی ناو بازاڕی هەولێر بوون و توانیویانە نزیكەی 20 تۆن لە پاشماوەی ئاهەنگگێڕان كۆبكەنەوە. بەڕێوەبەرایەتی خزمەتگوزاری ژینگەیی هەولێر بڵاویانكردەوە، دوای تەواو بوونی ئاهەنگەكانی سەری ساڵ و بەجێ هێشتنی زبڵ و خاشاكێكی زۆر، تیمەكانمان لە بەڕێوەبەرایەتی خزمەتگوزاری و ژینگەپارێزی، راستەوخۆ لە شوێنی كۆبوونەوەی هاووڵاتییان ئامادە بوون و دەستكرا بە پاك كردنەوە و شۆردنی شەقام و بازاری سەنتەری شار. ئاماژەیان بەوەشكردووە، كە تەنها لە سەنتەری شاری هەولێر، نزیكەی 20 تۆن زبڵ و پاشماوە كۆكرایەوە، هاوكات ئەمساڵ بەنزیكەیی رێژی 40% پاشماوە كەمی كردووە، بەراورد بە ئاهەنگی شەوی سەری ساڵی 2023.