لە دوای كۆبوونەوەی ئەندامانی لیژنەی دارایی پەرلەمانی عێراق لەگەڵ وەزیری دارایی عێراق، سەرۆكی لیژنەی دارایی بە نوسراوێكی فەرمی لیژنەیەكی شەش كەسی بۆ بەدواداچوونی شایستە داراییەكانی مووچەخۆرانی هەرێم بۆ ساڵەكانی 2024 و 2025 پێكهێنا. بەگوێرەی نوسراوێك كە واژۆی عەتوان عەتوانی سەرۆكی لیژنەی دارایی پەرلەمانی عێراقی لەسەرە ئاماژە بەوەكراوە، لیژنەی دارایی بڕیاریدا بە پێكهێنانی لیژنەیەك بەسەرۆكایەتی ( ئەحمەد مزهەر جبوری) جێگری یەكەمی سەرۆكی لیژنەی دارایی بەمەبەستی بەدواداچوون بۆ شایستە داراییەكانی هەرێمی كوردستان بۆ ساڵەكانی 2024 و 2025. لە نوسراوەكەدا ئاماژە بەوەشكراوە كە ئەندامانی لیژنەكە پێكدێن لە هەریەكە لە ( عودەری عەواد، نەرمین مەعروف، جەمال كۆچەر، مستەفا خەلیل، فەیسەل حەسان و سەمیر موبارەك بڕیاردەری لیژنەی دارایی پەرلەمانی عێراق. لە كۆبوونەوەی ئەمڕۆی لیژنەی دارایی بە میوانداری (تەیف سامی) وەزیری دارایی عێراق پشتبەست بە بڕیاری دادگای فیدڕاڵی، بڕیاردرا بە پێكهێنانی لیژنەیەك بۆ بەدواداچوونی شایستە داراییەكانی هەرێم لە ساڵی ٢٠٢٥ ،٢٠٢٤ بە سەرۆكایەتی جێگری یەكەمی سەرۆكی لیژنەی دارایی و ئەندامێتی ژمارەیەك لە ئەندامانی لیژنەی دارایی.