دوای پەسەند کردنی هەمواری یاسای باری کەسێتی لە عێراق دژی هەموارێکی یاساکە لە هەرێم سکاڵا لە دادگای فیدڕاڵی تۆمار دەکرێت و داوا دەکرێت کارکردن بە مادەی یەکەمی هەمواری ژمارە ۱٥ی ساڵی ۲۰۰٨ی یاسای باری کەسێتی لە پەرلەمانی کوردستان ڕابگیرێت. بەپێی هەموارەکەی هەرێم لە مادەی یەکەم بڕگەی دووەم ئەلیف هێنانی ژنی دووەم پێویستی بە ڕەزامەندی ژنی یەکەمە و سکاڵاکار کە هاوڵاتیەکە بەناوی ئیسماعیل حەمە عەلی عبدالقادر ئەو بڕگەیە بەنادەستوری ناودەبات و داوا دەکات دادگای فیدڕاڵی هەڵیوەشێنێتەوەو هێنانی ژنی دووەم نەبەستێت بەڕەزامەندی ژنی یەکەمەوە. دادگای فیدڕاڵی عێراق ڕۆژی ۱۱ی مانگی داهاتوی بۆ بینینی سکاڵاکەو بڕیاردان لەسەری دیاری کرد.