بوار، تایبەت لیژنەی دەستپاكی پەرلەمانی عێراق ئاماژە بەوەدەكەن، بەهۆی نەدانی نزیكەی ١.٣ ملیار دۆلاری باج، ڕەزامەنی دراوە لەسەر ڕاگرتنی تۆڕی ئینتەرنێتی كۆمپانیای كۆڕەك لە عێراق لە ڕاگەیاندراوێكی لیژنەی دەستپاكی عێراق ئەوە هاتووە، سەركەوتنی هەوڵەكان بۆ ڕاگرتنی خزمەتگوزاریی ئینتەرنێتی كۆمپانیای (كۆڕەك) ڕادەگەیەنین، كە لە ماوەی پێشوودا بە ڕاگرتنی خزمەتگوزاریی پەیوەندی لەگەڵ كۆمپانیاكانی دیكە سزادراوە. ئاماژە بەوەشكراوە، بەهۆی ڕادەستنەكردنی ئەو بڕە پارەیەی كە لە ئەستۆیدایە و شایستەی حكومەتی عێراقە بڕەكەی بە نزیكەی ١.٣ ملیار دۆلار دەخەمڵێندرێت، خزمەتگوزاری ئینتەرنێتی كۆمپانیاكە ڕادەگیرێت. ئەمە لەكاتێدایە، پێشتر دەستەی ڕاگەیاندن و پەیوەندییەكان سێ بڕیاری بەرانبەر كۆمپانیای كۆڕەك بۆ پەیوەندییەكان دەركرد لەوانە: ڕاگرتنی كڕین و فرۆشتنی سیمكارتی كۆمپانیاكە، ڕاگرتنی پەیوەندیی تەلەفۆنی لەنێوان بەشداربووانی كۆمپانیاكە و كۆمپانیاكانی دیكەی پەیوەندی، دڵنیایی درایەبریكار و بنكەكانی فرۆشتن، كە هیچ سیمكارتێكی نوێی كۆمپانیاكە نەفرۆشن یان بازرگانی پێوە نەكەن، بە پێچەوانەوە لێپرسینەوەی یاسایییان لەگەڵ دەكرێت.