تۆڕی هەواڵی بوار

ئەمەریكا فڕۆكەی هەڵگری چەكی ئەتۆمی ڕەوانەی ڕۆژهەڵاتی ناوەراست دەكات

2025-04-02

لەچوارچێوەی پەرەسەندنەكانی گرژییەكانی ڕۆژهەلاتی ناوەڕاست و ئەگەری ئەنجامدانی هێرشی ئەمەریكا بۆ سەر ئێران، بە فەرمانی وەزیری بەرگری ئەمەریكا، فڕۆكەی جەنگی تایبەت بە هەڵگرتنی چەكی ئەتۆمی ڕەوانەی ڕۆژهەڵاتی ناوەڕاست دەكرێت. وەزارەتی بەرگری ئەمەریكا ڕایگەیاند: بەفەرمانی پیت هێگێست، وەزیری بەرگری فڕۆكەی جەنگی زیاتر لە ڕۆژهەڵاتی ناوەڕاست بڵاودەكاتەوە، بەڵام شوێنی مەبەست یان ئاشكرا نەكردووە، بەڵام بەرپرسانی ئەمەریكا بە ڕۆیتەرزیان ڕاگەیاندووە، هەفتەی ڕابردوو شەش فڕۆكەی 'B-2' كە هەڵگری مووشەك و چەكی ئەتۆمە، گواستراونەتەوە بۆ بنكەیەكی سەربازی ئەمەریكا و بەریتانیا لە دوورگەی دیگۆگارسیا لەناو زەریای هیندی ئاماژە بەوەشكراوە، شارەزایان دەڵێن: فڕۆكەی B-2 كە 'شەبەح'یشی پێدەڵێن، خاوەنی تەكنەلۆژیای خۆدزینەوەیە لە ڕادار و قورسترین بۆمب و چەكی ئەتۆمی هەڵدەگرێت، بۆیە هێنراوەتە ئەو بنكەیە تاوەكوو بتوانێت لە ڕۆژهەڵاتی ناوەڕاست كاری پێبكرێت. لەلایەكی دیكەوە فەرماندەیی ستراتیجی ئەمەریكا ڕەتیكردەوە ژمارەی ئەو فڕۆكانەی B-2، ئاشكرا بكات كە گەیشتوونەتە بنكەی دیگۆ گارسیا، بە ئاماژەدان بەوەی كە هیچ لێدوانێك لەسەر مەشق و ڕاهێنان یان ئۆپەراسیۆنەكانی B-2 نادات، هەروەها بەگوێرەی ڕاپۆرتەكان پێشبینی دەكرێت بەم زووانە سوپای ئەمەریكا دوو كەشتی فڕۆكە هەڵگری هێری ئێس ترومەن بنێرنە ناوچەكە. ئەوەش لەكاتێكدایە كە سەرەتای ئەم هەفتەیە سەرۆكی ئەمەریكا هەڕەشەی لە ئێران كرد بەوەی ئەگەر لەسەر پرسی ئەتۆمی دانووستان نەكات، ئەوە ڕەنگە بژاردەی سەربازی بەكار بهێنێت.

ئەمەریكا فڕۆكەی هەڵگری چەكی ئەتۆمی ڕەوانەی ڕۆژهەڵاتی ناوەراست دەكات

بڵاوی بکەوە

نوێترین

بەشەکان

هاوپۆلەکان

پەیوەندی

درێژەی بابەت

ئەمەریكا فڕۆكەی هەڵگری چەكی ئەتۆمی ڕەوانەی ڕۆژهەڵاتی ناوەراست دەكات

بڵاوی بکەوە

نوێترین

بابەتی هاوشێوە