حکومەتی هەرێمی کوردستان لە دادگای لەندەن بڕی ٢٧ ملیۆن دۆلاری ئەمریکی لە کۆمپانیای گەنەڵ ئینێرجی تورکی بردەوە. کۆمپانیای گەنەڵ ئینێرجی تورکی ڕایگەیاندوە، رۆژی هەینی، ٤ی نیسان، لە دادگای نێوبژیوانی لەندەن لەسەر کەیسێکی یاسایی نێوان کۆمپانیاکە و حکومەتی هەرێمی کوردستان. دادگا بڕیاری داوە کە کۆمپانیای گەنەڵ ئینێرجی بڕی ۲٦ ملیۆن و ٨٦٨ هەزار دۆلار وەک قەرەبوو بە حکومەتی هەرێمی کوردستان بدات لەبری پابەند نەبوون بە گرێبەستی هەردوو کێڵگەی غازی میران و بنەباوێ. کێشەی گرێبەستی هەردوو کێڵگەی میران و بنەباوێ دەگەڕێتەوە بۆ هەڵوەساندنەوەی گرێبەستەکە لە لایەن حکومەتی هەرێمی کوردستانەوە لە کۆتایی ساڵی ۲۰۲۱.  دژی هەڵوەساندنەوەی گرێبەستەکانی کۆمپانیای گەنەڵ ئینێرجی لە دادگای نێوبژیوانیی نێودەوڵەتیی لەندەن سکاڵای لەسەر حکومەتی هەرێمی کوردستان و وەزارەتی سامانە سروستییەکان تۆمار کرد و داوای یەک ملیار و ۷٥۰ ملیۆن دۆلاری وەک قەرەبوو لە هەرێم کرد. بەپێی زانیارییەکان، بەهۆی پابەند نەبوونی کۆمپانیاکە بە خشتەی پەرەپێدان و ناوەڕۆکی گرێبەستەکان دادگای نێوبژیوانی لەندەن لە ۲ی مانگی ۱۱ی ساڵی ڕابردوو سکاڵاکەی ڕەت کردەوە لە بەرژەوەندیی حکومەتی هەرێمی کوردستان و نوێنەری حکومەتی هەرێم لە دادگاکە داوای ۳٦ ملیۆن دۆلار قەرەبووی لە کۆمپانیای گەنەڵ ئینێرجی کرد. بەڵام دادگا نزیکەی ۲۷ ملیۆن دۆلاری وەک قەرەبوو دیاری کرد لەگەڵ سودی ۲ لەسەدی مانگانە لەکاتی دواکەوتنی پێدانی قەرەبوو. کێڵگەی میران دەکەوێتە ناوچەی تاسڵوجە و پیرەمەگرون و بازیانی پارێزگای سلێمانی. کێڵگەی بنەباوێش دەکەوێتە پشت شاخی بنەباوێ لە دۆڵی سماقوڵی لە پارێزگای هەولێر.