بەرپرسی رێكخستنی پارتی لە كەركوك ئاماژە بەوەدەكات دوای هەشت گەرانەوەمان بۆ كەركوك لە كاتێكدایە كە ناوچەكە و جیهان و ڕۆژهەلاتی لە گۆڕانكاری گەورەدایە و ئەو گۆڕانكاریانەش بەردەوامییان دەبێت، بەلام كردنەوەی بارەگاكەی ئێمە لە كەركوك نابێتە سەر ئێشە بۆ هیچ لایەنێكی دیكە. هیوا ئەحمەد، بەرپرسی مەكتەبی رێكخستنی پارتی لە كەركوك، لە میانەی كردنەوەی بارەگای حزبەكەی لە كەركوك ڕاگەیاند: ئێمە لەپارتی وەك هەمیشە دەرك بە هەستیاری دۆخی ناوچەكە و جیهان دەكەین، بۆیە وەك بەرپرسیارێتی سەرشانمان بۆ گەلی كورد و بۆ گەلی عێراق بڕیارماندا كە بارەگاكەمان لە كەركوك لەدوای هەشت ساڵ دابڕان بكەینەوە، بۆیە ئێستا لەهەمووكات زیاتر یەكڕیزی گەلی كورد پێویستە بۆ كەركوك. ئاماژەی بەوەشكرد، دوای هەشت گەرانەوەمان بۆ كەركوك لە كاتێكدایە كە ناوچەكە و جیهان و ڕۆژهەلاتی لە گۆڕانكاری گەورەدایە و ئەو گۆڕانكاریانەش بەردەوامییان دەبێت، بەڵام كردنەوەی بارەگاكەی ئێمە لە كەركوك نابێتە سەر ئێشە بۆ هیچ لایەنێكی دیكە، بەڵكوو دەمانەوێت ببینە هەوێنی یەكڕیزی لەنێوان لایەنە كوردییەكان و لایەنەكانی دیكەی كەركوك. بەرپرسی مەكتەبی رێكخستنی پارتی لە كەركوك، ئەوەشی خستەڕوو، ئێمە هاتوینەتەوە بۆ كەركوك بۆ ئەوەی چارەسەری كێشەو گرفتەكان بكەین، دەمانەوێت دەستلەناو دەست كورد عەرەب و توركمان و پێكهاتەكانی دیكە خزمەتی وڵات و شاری خۆرمان بكەین، بۆ ئەوەش داوا لە ڕێكخستەكانی پارتی دەكەم كە بۆ لەمەودوا شار بەشار دەكەوینە ناو جەماوەی خۆمان و بەشداری خۆشی و ناخۆشییەكانی كەركوكییەكان دەبین.