هەرچەند لە ناو كۆنفراسەكەی باڵی گردەكەی بزوتنەوەی گۆڕان وێنەیەك بلاوكرایەوە كە گوایە نوێنەری كۆمیسیۆنی باڵای سەر بەخۆی هەڵبژاردنەكانی عێراق ئامادەیە، بەڵام دواتر دەركەوت كە هیچ نوێنەرێكی كۆمیسیۆن ئامادە نییە و ئەو دوو كەسەی دەردەكەون ئەندامی كۆمیسیۆنی هەڵبژاردنەكانی هەرێم كەماوەكەی بەسەر چووە. بەگوێرەی زانیارییەكانی بوار، ئەو وێنەیەی كە لە كۆنفراسەكەی ئەمرۆی گردەكەی بزوتنەوەی گۆڕان بلاوكرایەوە و بەناوی فەرمانگەی پارتە سیاسییەكانی سەر بەكۆمیسیۆنی هەڵبژاردنەكانی عێراق دانرابوو، هیچ پەیوەندی بە كۆمیسیۆنی هەڵبژاردنەكانی عێراقەوە نییە و هیچ نوێنەرێكیشیان لەو كۆنفرانسە ئامادە نییە. ئاماژە بەوەشكراوە، ئەو دوو كەسەی كە لەوێنەكەدا دەردەكەون، ئەندامی كۆمیسیۆنی هەڵبژاردنەكانی كوردستانن لە پشكی بزوتنەوەی گۆڕان كە ئەو كۆمیسیۆنە ماوەكەی بەسەر چووە و مامەڵەی لەگەڵدا ناكرێت، بۆیە لە ڕووی یاساییەوە هەر كۆنگرە و كۆنفرانسێك ببەسترێت ئەگەر نوێنەری كۆمیسیۆن تیایدا ئامادە نەبێت بە شەرعی لە قەڵەم دەدرێت. هەر ڕۆڤان سەروەت ڕێگەپێدراوی بزوتنەوەلا گۆڕان باڵی گەڕەكی كوردسات ئەوەی بە بوار ڕاگەیاند: كە ئەوەی ئەمڕۆ لە گردەكە بەڕێوە دەچێت كۆنفرانسی نشتیمانی بزوتنەوەی گۆڕان نیە بەڵكوو كۆبوونەوەیەكی فراوانی ئەندامان و لایەنگرانی گۆڕانە، چونكە كۆنفراسی نشتیمانی لە 10/4/2025 بە ئامادەبوونی نوێنەری كۆمیسیۆن بەڕێوە دەچێت.