یەكێك لە نوسەر و ڕۆشنبیرەكانی هەولێر ئاماژە بەوەدەكات كە سەلاحەدینی ئەیبونی كورد نییە و ئێمەش هێندەی سعودییە و میسر بەشمان پێوەی هەیە، جەختیش دەكاتەوە كە (یوسف زێدان) ڕۆشنبیرێكی گەورەی عەرەب و دۆستی كوردە، ڕاوی مەنێن سەرۆ قادر، یەكێك لە نوسەر و ڕۆشنبیرانی هەولێر لە پەڕەی تایبەتی خۆی لە تۆڕی كۆمەڵایەتی فەیسبوك ئەوەی بلاوكردووەتەوەە كە، ئەو سكاڵایەی لەسەر (یوسف زێدان) تۆماركراوە تەنها بەدناوی و ڕیسوایی بۆ هەرێمی كوردستان و دۆزەكەی زیاد دەكات، كورد نابێت ڕاوی بیروڕای جیاواز بنێت. ئاماژەی بەوەشكردووە، (سەڵاحەدینی ئەیوبی) ڕەمزی نەتەوەیی كورد نییە، بەڵكو سەركردەیەكی موسوڵمانی سەردەمی شەڕی سەلیبییە و ئێمەش هەر هەندەی موسوڵمانانی میسر و سعودیە بەشمان پێیەوەیە نە زیاتر. سەرۆ قادر ئەوەشی نوسیوە، چیڕۆكی ناساندنی كورد بە نەوەكانی (سەڵاحەددین)ەوە ڕژێمە داگیركەرەكان پتر برەویان پێداوە و زانكۆی (سەلاحەددین)یش سەدام ناوی ناوە، خامنەئی و ئۆردوغانیش لەسەر ئەو ناسنامەیە بۆ كورد وەك سەددام هاوڕان، چونكە كۆتاییەكەی بە تواندنەوەی نەتەوەیی دێت. ئەو نوسەرەی شاری هەولێر ئەوەی خستووەتەڕوو، مستەفا بارزانی نەمر لە ساڵی ١٩٧٠ دوای ١١ی ئازار دایكی زانكۆكانی كوردی بە ناوی سلێمانی كرد وەك شاری فكر و ڕۆشنبیری، دەنا ئاگاشی لە سەلاحەددین هەبوو، بۆیە دیارە ئەم سكاڵایە لەسەرشێوەی نەوەدەكانی میسر، بۆ ڕاونانی فكر و ڕۆشنبیریی ئایدیۆلۆژیای دیاری لە پشتە و ئەو یارییە لە كوردستانیش دەستیپێكردوە بەڵام سەرناگرێت.