تۆڕی هەواڵی بوار

دادگا بڕیاری دوورخستنەوەی سەرۆكی ئەنجومەنی پارێزگای نەینەوای ڕەتكردەوە

2025-05-28

سەرۆكی فراكسیۆنیی یەكێتی لە ئەنجوومەنی پارێزگای نەینەوا ئاماژەبەوەدەكات دادگای كارگێڕی، مشتومڕی سەرۆكایەتیی ئەنجوومەنی پارێزگای نەینەوای یەكلاكردەوە و دوورخستنەوەی ئەحمەد حاسوود-ی رەتكردەوە محەممەد جاسم كاكەیی، سەرۆكی فراكسیۆنی یەكێتی لە ئەنجوومەنی پارێزگای نەینەوا، رایگەیاند: دوای سێجار دواخستن، ئەمڕۆ دادگەی كارگێڕیی عێراق، بڕیاری دوورخستنەوەی ئەحمەد حاسوود-ی لە پۆستی سەرۆكی ئەنجوومەنی پارێزگا پووچەڵكردەوە، كە پێشتر لەلایەن ئەنجوونەوە درابوو، بۆیە بەگوێرەی ئەو بڕیارە، ئەحمەد حاسوود، لە پۆستەكەی وەك سەرۆكی ئەنجوومەنی پارێزگای نەینەوا بەردەوام دەبێت. ئاماژەی بەوەشكردووە، ئەم بڕیارە كۆتایی بەو مشتومڕە سیاسی و یاساییە دەهێنێت، كە لە ماوەی رابردوودا لەسەر رەوایی سەرۆكایەتیی ئەنجوومەن هەبوو، ئەو رێكارانەی بۆ لەكارلادانی حاسوود گیرابوونەبەر، بەپێی روونكردنەوەی دادگا، یاسایی نەبوون. ئەوەش لەكاتێكدایە كە رۆژی 05-03-2025، ئەنجوومەنی پارێزگای نەینەوا بە بەشداریی 16 ئەندام لە كۆی 29 ئەندام كۆبووەوە و سەرۆكی ئەنجوومەنەكەی لەكار دوورخستەوە، هۆكارەكەشی ئەوەبوو چەند پرسیارێكیان ئاراستەی ئەحمەد حاسوود، سەرۆكی ئەنجوومەن كردبوو، بەڵام پرسیارەكانی وەڵام نەدابوونەوە و ئامادەی كۆبوونەوەكەش نەبوو، ئەویش دواتر لە دادگەی كارگێڕی سكاڵای تۆماركرد

دادگا بڕیاری دوورخستنەوەی سەرۆكی ئەنجومەنی پارێزگای نەینەوای ڕەتكردەوە

بڵاوی بکەوە

نوێترین

بەشەکان

هاوپۆلەکان

پەیوەندی

درێژەی بابەت

دادگا بڕیاری دوورخستنەوەی سەرۆكی ئەنجومەنی پارێزگای نەینەوای ڕەتكردەوە

بڵاوی بکەوە

نوێترین

بابەتی هاوشێوە