تۆڕی هەواڵی بوار

بوار، ناوی سەرۆك لیستی حیزبە كوردییەكان بۆ هەڵبژاردن ئاشكرا دەكات

2025-06-24

پارتی، یەكێتی و یەكگرتوو، نەوەی نوێ سەرقاڵی یەكلاییكردنەوەی سەرۆكی لیستەكانیانن

#بوار
هەر یەك لە پارتی و یەكێـتی و یەكگرتوو، نەوەی نوێ سەرقاڵی یەكلاییكردنەوەی سەرۆك لیستی حیزبەكانیانن لە بازنەكانی دهۆك و هەولێرو سلێمانی، كەركوك و نەینەوا.

بەپێی زانیارییەكانی بوار، پارتی دیموكراتی كوردستان تا ئێستا سەرۆك لیستی حیزبەكەی لە پارێزگاكانی دهۆك و هەولێر و كەركوك یەكلاییكردووەتەوە.

بەپێی زانیارییەكان، لە بازنەی دهۆك فەرهاد ئەتروشی پارێزگاری پێشوو بۆ سەرۆكایەتی لیستی پارتی یەكلاییكراوەتەوە. لە پارێزگای هەولێریش د. سەلام خۆشناو بریكاری پێشووتری وەزیری خوێندنی باڵای عێراق بۆ سەرۆكایەتی لیستی پارتی یەكلاییكراوەتەوە. بۆ پارێزگای كەركوكیش پارتی، د. شاخەوان عەبدوڵڵای جێگری سەرۆكی پەرلەمانی عێراقی كردووەتە سەرۆك لیستی حیزبەكەی لەو پارێزگایە.

هەرچی یەكێتی نیشتیمانی كوردستانە، تا ئێستا بۆ بازنەی پارێزگای سەڵاحەددین كەریم مەلا شوكری كردووەتە سەرۆك لیست و لە بازنەی پارێزگای دیالەش بەهێزترین كاندید بۆ سەرۆكایەتی لیستی سۆزان مەنسورە. لە پارێزگای كەركوكیش رێبوار تەها یەکلایی کراوەتەوە. لە بازنەی پارێزگای هەولێریش ململانێی توند لە نێوان هەر یەك لە ئارێز عەبدوڵڵا و هەرێم كەمال ئاغا هەیە. بۆ بازنەی پارێزگای سلێمانی، یەكێتی لە نێوان هەر یەك لە د. بڕیار رەشید و د. ڕێككەوت حەمە رەشید و ئاسۆ عەلی یەكێكیان دەكرێتە سەرۆك لیستی یەكێتی.

هەرچی نەوەی نوێیە، چوار بازنەی یەكلاییكردووەتەوەو ئەگەری گۆڕینی سەرۆك لیستی بازنەی دهۆكی هەیە.

نەوەی نوێ لە بازنەی هەولێر، كاوە عەبدولقادرو لە بازنەی نەینەوا، گۆران دیبەگەیی و لە بازنەی كەركوك، ئومێد محەمەد و لە بازنەی سلێمانی رێبوار ئەوڕەحمان دەكاتە سەرۆك لیستەكانی حیزبەكەی. بۆ بازنەی دهۆكیش شڤان سەعید بەهێزترین كاندیدی ئەو حیزبەیە بۆ سەرۆكایەتی لیست، بەڵام بەهۆی هەندێك كێشەی ناوخۆیی ئەگەری گۆڕینی هەیە.

هەرچی یەكگرتووی ئیسلامی كوردستانە، بەتەواوی سەرۆك لیستەكانی یەكلاییكردووەتەوەو د. موسەننا ئەمین كراوەتە سەرۆكی لیستی یەكگرتوو لە بازنەی سلێمانی و ئوسامە جەمیل كراوەتە سەرۆكی لیستی یەكگرتوو لە بازنەی هەولێرو جەمال كۆچەریش كراوەتە سەرۆكی لیستی ئەو حیزبە لە بازنەی دهۆك.

بوار، ناوی سەرۆك لیستی حیزبە كوردییەكان بۆ هەڵبژاردن ئاشكرا دەكات

بڵاوی بکەوە

نوێترین

بەشەکان

هاوپۆلەکان

پەیوەندی

درێژەی بابەت

بوار، ناوی سەرۆك لیستی حیزبە كوردییەكان بۆ هەڵبژاردن ئاشكرا دەكات

بڵاوی بکەوە

نوێترین

بابەتی هاوشێوە