تادێت نرخی ئۆنسەی زێڕ لە بازاڕە جیهانییەكان بەرز دەبێتەوە، هاوكات لە هەرێمی كوردستانیش ئەمڕۆ مسقاڵێك زێڕی عەیار 21 بە 688 هەزار دینار مامەڵەی پێوە دەكرێت. عەبدوڵڵا ئەكرەم، جێگری سەرۆكی سەندیكای زێڕنگرانی هەولێر ڕایگەیاند:ئەمڕۆ نرخی مسقاڵێك عەیار 22 بە 720 هەزار دینارە، هەروەها مسقاڵێك زێڕی عەیار 21 بە 688 هەزار دینار و مسقاڵێك زێڕی عەیار 18 بە 588 هەزار دینارە، هاوكات هەر مسقاڵێك 10 بۆ 15 هەزار دینار كەمتر لە نرخی دیاریكراو لەلایەن زێڕنگەرانەوە دەكڕدرێتەوە. ئاماژەی بەوەشكردووە، ئەو نرخە بەرزترین نرخی زێڕە لە چوار مانگی رابردوودا لە بازاڕەكانی هەرێمی كوردستان تۆمار بكرێت، بەجۆرێك نرخی یەك ئۆنسە زێڕ رۆژی هەینی لە كاتی داخستنی بازاڕەكان بە 3448 دۆلار مامەڵەی پێوەكرا.