سەرۆكی كاتی سووریا ئاماژە بەوەدەكات بە پەیامێكی ڤیدیۆیی، پشتیوانی محەممەد شیاع سوودانی، سەرۆك وەزیرانی عێراقم كرد و هاوكاریم كرد لەوەی بڕیارێكی هەڵە نەدات، ئەویش بەگوێی كردم و ڕزگارم كرد لە هەڵەیەكی گەورە. ئەحمەد شەرع، سەرۆكی كاتی لە چاوپێكەوتنێكی تەلەفزیۆنیدا پەیوەندییەكی گرنگی نێوان خۆی و محەممەد شیاع سوودانی، سەرۆك وەزیرانی عێراقی ئاشكرا كرد و ئەوەی خستەڕوو، بەپێی زانیارییەكانی ئێمە چەند لایەنێك لە پەرلەمانی عێراق، فشارێكی زۆریان لە سوودانی كردبوو بۆ تێپەڕاندنی یاسای حە-شدی شەعبی، بەڵام ڕێچكەیەكی دروستی نەبوو بۆ دەربازبوون، بۆیە پەیامێكم بۆ نارد و لە هەڵەیەكی گەورە ڕزگارم كرد. ئاماژەی بەوەشكردووە، گوشارێك لەسەر محەممەد شیاع سوودانی، سەرۆك وەزیرانی عێراق هەبووە، ئەویش ڕەتی كردووەتەوە ئەم گوشارە قبوڵ بكات، بۆیە منیش ویستم بەهێزەوە پاڵپشتی هەڵوێستی سوودانی بكەم، بۆیە پەیامێكی ڕاستەوخۆم بۆی نارد، ترسام لەوەی بڕیارێكی هەڵە بدات، بەڵام سوودانی وەڵامی دایەوە و بیرۆكەكەی منی زۆر بە باشی وەرگرت. سەرۆكی كاتی سووریا ئەوەشی ئاشكراكردووە، زۆرێك لە لایەنەكان هەوڵیان دەدا دۆخی سووریا بگوازنەوە عێراق و لە ناكۆكییە تائیفییەكان دووبارەی بكەنەوە، منیش ڕەتمكردەوە دەرگایان بۆ بكەمەوە.