وتەبێژی وەزارەتی پەروەردەی حكومەتی هەرێم ئاماژەبەوەدەكات، بڕیارە بە بەهای پێنج ملیار دینار كارەبای هەموو قوتابخانەكان بكرێتە وزەی خۆر، هاوكات لە ئێستادا لە كۆی شەش هەزار و 800 قوتابخانەیە 127قوتابخانەیان ئەو سیستە4مەیان بۆدانراوە سامان سیوەیلی، وتەبێژی وەزارەتی پەروەردەی حكومەتی هەرێم ڕایگەیاند: ئەنجوومەنی وەزیران ڕەزامەندی داوە بە بەهای پێنج ملیار دینار لە داهاتوودا كارەبای هەموو قوتابخانەكان بكرێنە سیستمی وزەی خۆر، بەڵام هەندێ ڕێكاری كارگێڕی ماوە بۆ خەرجكردنی پارەكە و قۆناغ بە قۆناغ جێبەجێ دەكرێت. ئاماژەی بەوەشكردووە، لەم چەند ڕۆژە بە پاڵپشتی ڕێكخراوی یونسێف، حەوت قوتابخانەی دیكە وزەی خۆریان بۆ دابینكرا، بەمەش لە كۆی شەش هەزار و 800 قوتابخانە، 127 قوتابخانەیان پشت بە وزەی خۆر دەبەستن.
عربي
