ئایا منداڵەکەت لە پڕ رەنگی ددانەکانی گۆراوە؟!
دیاردەیەکی باو کە زۆربەی خەلک لای بۆتە پرسیار لە پڕ گۆرینی رەنگی ددانەکانە،ئەم حالەتەش بە شێوەیەکی بەرچاو و دیار لە منداڵاندا ھەستی پێدەکرێ و کاریگەری ئەم دەرمانانەیان زیاتر لەسەردەکەوێ ...بۆچی؟!
چونکە ددانی منداڵ لە تەمەنی گەشەکردن و دروست بوونی پێکھاتەکانیدایە و پێویستە بە ئاگاداری و لە ژێر رێنمایی پزیشکی پسپۆر دەرمان بۆ بەکاربھێنرێ وەرگرتنی بڕێکی زۆر لە م ماددانە کاریگەری خرپیدەبێت لەسەر تەندروستی جەستە بە گشتی .
لەگەڵ ئەوەی دەرمانەکانی وەک شروب و قەترەی ئاسن و ڤایتامینەکان ئەم کاریگەرییە لاوەکیەیان ھەیە لەسەر ددانەکان بەڵام لە کاتی کەمی ماددەی ئاسن یاخود ڤایتامینەکان کاریگەری نەرێنی دەردەکەوێ لەسەر ددانەکان و تەواوی جەستە و ددانەکان پێکهاتەیان لاواز دەبێ و بەرەو گۆرانی رەنگ دەچن بۆیە ناچارین ئەم ماددانە بەکار بھێنین بە رێژەیەکی تەندروست و پێویست کە پزیشک ڕێژەکەی دیاری دەکات
بۆ ئەوەی ئەم کاریگەریە خراپەی گۆرانی رەنگی ددانەکان و خراپبوونیان کەم بکەینەوە ، دەکرێ چەند رێگایەکی خۆپارێزی بەکاربھێنین..
رێگاکانی خۆ پارێزی چین؟
١-دەتوانرێ قەسەب بۆ خواردنەوەی شروبی ئاسن وڤایتامینەکان و دەرمانەکانی ھاوشێوەی بەکاربھێنرێت تاکو بەر رووی ددانەکان نەکەوێ و زیانیان پێ نەگات و تێک نەچن .
٢- دەکرێ دوای پێدانی ئەو دەرمانانە، راستەو خۆ ددانەکان بشۆردرێن و رووی ددانەکان پاک بکەیتەوە بۆ ئەوەی ئەم دەرمانانە بەسەر رووی ددانەکان نەمێنێتەوە
.۳ـ سرنجی تایبەت بە پێدانی دەرمان هەیە لە دەرمانخانەکان و دەتوانرێ بەکاربهێنرێ.
چارەسەرەکان چین؟
ددان شۆردن لە ماڵەوە بە فڵچەی ئاسایی وهەویری ددان ئەگەر ئەمە کاریگەری نەبوو و رەنگەکە لانەچوو،پێویستە سەردانی پزیشکی ددان بکەیت و لای ئەو ددانەکان پاک بکەیتەوە و رەنگەکەی لاببەیت.
د.تروسکە عبداللە
بەهیوای سود
