محمەد حەلبووسی پشتوانی سەدر دەکات
بوار، بەغدا
محەمەد حەلبووسی سەرۆکی ئەنجوومەنی نوێنەرانی عیراق پشتیوانی بۆ موقتەدا سەدر سەرۆکی رەوتی سەدر ڕاگەیاند.
محەژەد حەلبووسی لە پەیامێکدا دەڵێت: پەرلەمانی عێراق نوێنەری خەڵکە و ئەو جەماوەرەشی لە بەردەمی کۆبووەتەوە بەشێکن لێی.
سەرۆکی پەرلەمانی عێراق دەشڵێت: بە هیچ شێوەیەک ناتوانرێت چاوپۆشی لە ئیرادەی موقتەدا سەدر بکرێت، بۆیە ئێمە پشتیوانی لە ئەنجامدانی هەڵبژاردنی پەرلەمان لەماوەیەکی ڕێکوپێکدا بۆ دەستپێکردنەوەی پرۆسەی دیموکراسی لەژێر سەقفی دەستوور و لێکتێگەیشتن دەکەین.
موقتەدا سەدر پێشتر لەپەیامێکدا داوای هەڵوەشانەوەی پەرلەمان و ئەنجامدانی هەڵبژاردنی پێشوەختی کرد.
