عەبدوڵای كوێخا موباڕەك بۆ رێباز حەملان: برا و هاوڕێی دێرینم

بوار،

رێباز حەملان،یاریدەدەری سەرۆک وەزیران سەردانی عەبدوڵای کوێخا موباڕەکی کرد لە چەمچەماڵ، لەسەر سەردانەکە رێباز حەملان، یاریدەدەری سەرۆک وەزیران دەڵێت:

ئەمڕۆ شەممە ۲٠۲۲/۱٠/۱ لە شاری چەمچەماڵ

سەردانی ھەڤاڵی بەڕێز

عبداللە کوێخا موبارەکمان کرد، بەمەبەستی ھەواڵپرسین و خۆشحاڵیمان دەربڕی بۆ سەلامەتی خۆیان و ھەڤاڵان و ئەوبرا پێشمەرگانەی کەلەگەڵی بوون.

ھەرلەو دیدارە باسمان لەوە کرد، حکومەتی ھەرێمی کوردستان و جەنابی سەرۆک وەزیران شەونخونی و ھەموو ھەوڵ و کارێکیان بۆ پاراستن و سەلامەتی ھاونیشتمانیانە لە ھەرێمی کوردستان، هەربۆیە رووبەڕووی ھەموو کارێکی نایاسایی و تێکدانی ئاسایش و ئارامی دەبێتەوە،

دەبێت یاسا چەسپاو بەرکارو رێز لێگیراوبێت لە ھەرێمی کوردستان.

لەبەرامبەردا عەبدوڵای كوێخا موبارەك دەڵێت:

ئەمڕۆ لە شاری چەمچەماڵ پێشوازیمان کرد لە ھاوڕێی دێرین و برای بەڕێز ڕێباز حەملان یاریدەدەری سەرۆک وەزیرانی ھەرێمی کوردستان کە بە مەبەستی بەسەرکردنەوە و ھەواڵپرسین سەردانی کردین.