بەرپرسێكی فەرمانگەكە دەستگیردەكرێت

بوار، تایبەت

بەتۆمەتی دیارنەمانی زیاتر لە ملیارێك دینار، بەرپرسێكی دارایی لە تاقیگەی بیناسازی پارێزگای دهۆك دەستگیردەكرێت و لێژنەی دەسپاكی پەرلەمان و دەستەی دەسپاكی لێكۆڵینەوەی لەبارەوە دەكەن.

بەپێی زانیارییەكانی بوار، دوای بەدواداچوونی لێژنەی دەسپاكی پەرلەمانی كوردستان و فەرمانگەی دەستەی دەسپاكی لە پارێزگای دهۆك، دەركەوتووە لە ماوەی كەمتر لە ساڵێكدا، زیاتر لە ملیارێك دینار لە فەرمانگەی تاقیگەی بیناسازی دهۆك دیارنەماوە.

بەپێی زانیارییەكانی بوار، بەرپرسێكی دارایی فەرمانگەكە دەستگیركراوە و لێكۆڵینەوەی لەگەڵدا دەكرێت.

بۆ وەرگرتنی زانیاری لەسەر كەیسەكە، بوار پەیوەندی بە چەند بەرپرسێكی دەستەی دەسپاكی هەولێر و دهۆك كرد، بەڵام ئامادەنەبوون لێدوان بەوبارەیەوە بدەن.