لە عێراق سەرجەم فەرمانبەران و هێزە ئەمنییەكان زەوی نیشتەجێ بوونیان بەسەردا دابەشدەکرێت.
بڕیارەکە لەلایەن سەرۆکوەزیرانی عێراقەوە دەرچووە و ناوچە كوردستانییەكانی دەرەوەی ئیدارەی هەرێمیش دەگرێتەوە.
لە نووسراوێكی نووسینگەی سەرۆك وەزیرانی عێراقدا هاتووە، ڕەزامەندی سەرۆك وەزیران وەرگیراوە بۆ دابینكردن و دابەشكردنی زەوی نیشتەجێ بوون بەسەر وەزارەت و دامەزراوە ئەمنی و سەربازییەكان و حەشدی شەعبی.
ئاماژە بە ئەوەش کراوە، نووسراو ئاڕاستەی لایەنە پەیوەندیدارەكان بكرێت بەپێی یاسا و بڕیارە بەركارەكان بەپێی تایبەتمەندی بە هەماهەنگی لەگەڵ وەزارەت و دامەزراوە ئەمنی و سەربازییەكان بۆ بەدیهێنانی دادپەروەری بۆ ئەوەی سەرجەم كارمەندەكان بگرێتەوە.
عربي
