به‌پێى زانیارییه‌كانى بوار، له‌گه‌ڵ دواخستنى هه‌ڵبژاردنى په‌رله‌مانى كوردستان به ده‌ستپێشخه‌رى نێچیرڤان بارزانى، سه‌رۆكى هه‌رێمى كوردستان گفتووگۆو دانووستانه‌كان بۆ چارەسەری کێشەکانی نێوان هەرێم و بەغدا دەست پێدەکات.
بەپێی زانیارییەکانی بوار، بە ئامانجی چارەسەرکردنی کێشەکانی نێوان هەولێرو بەغدا، به ئاماده‌بوونى سه‌رۆكایه‌تى كۆمار و هه‌ردوو حكومه‌تى عێراق و هه‌رێمى كوردستان به‌مه‌به‌ستى چاره‌سه‌ركردنى كێشه‌ى مووچه و نه‌وت و كێشه هه‌ڵپه‌سێردراوه‌كان کۆدەبنەوە.
بەپێی زانیارییەکان، ئامادەکارییەکان بۆ دەستپێکردنی گفتوگۆکان دەستیپێکردووە و سه‌رۆكوه‌زیرانى عێراق و سه‌رۆكایه‌تى كۆمار ره‌زامه‌ندیان له‌وباره‌یه‌وه نیشانداوه و داواش له دادگاى فیدڕاڵى ده‌كرێت فشاره‌كانى له‌سه‌ر هه‌رێمى كوردستان کەمبکاتەوە.
