گرنگ

لە بودجەی پەرەپێدان فێڵ لەهەرێم کراوە و ۳٨٦ ملیار دینار لە پشکی هەرێم کەمکراوەتەوە


 

 لەهەمواری خشتەی بودجەی پەرەپێدان پشکی هەرێمی کوردستان کەمتر لە ڕێژەی خۆی هەژمار کراوە. ئەوەش بە هەژمارکردنی میکانیزمێک کە پشکی هەرێم کەم دەکاتەوە

وەزارەتی دارایی عێراق، بڕی ٤۱ تریلیۆن و ٥۲٤ ملیار دیناری بۆ بودجەی پەرەپێدانی هەرێم و پارێزگاکان تەرخانکردووە. لەو بڕە ٤ تریلیۆن و ٨۷٥ ملیار دیناری بۆ هەرێمە و ڕێژەی پشکی هەرێم لە بری ئەوەی ۱۲.٦۷ لەسەد بێت کەمبووەتەوە بۆ ۱۱.۷٤ لەسەد و بەوەش پشکی هەرێم لە پێنج تریلیۆن و۲٦۱ ملیار دینارەوە بۆ ٤ تریلیۆن و ٨۷٥ ملیار دینار کەمبووەتەوەو بڕی ۳٨٦ ملیار لە پشکی هەرێم کەمکراوەتەوە

وەزارەتی دارایی عێراق میکانیزمێک بەکار دەهێنێت بۆ هەژمارکردنی پشکی هەرێم کە بریتییە لە پشکی ۱۲.٦۷ی ۱٥ پارێزگاکەی تری عێراق و و ڕێژەی پشکی هەرێم لە چاو پشکی ۱٥ پارێزگاکەی تری عێراق دیاری دەکات نەک لە پشکی هەموو عێراق

وەزارەتی دارایی عێراق بڕی ۳٨ تریلیۆن و ٤۲۱ ملیار دیناری بۆ ۱٥ پارێزگای عێراق تەرخانکردووە و لەو پارەیە پشکی هەرێم بەڕێژەی ۱۲.٦۷ لەسەد دیاری کراوە. پاشان پشکەکەی هەرێم خراوەتە سەر بودجەی پەرەپێدانی پارێزگا و هەرێمەکان و لە ئەنجومەنی وەزیران لە خشتەکانی هەمواری بودجە ئەو فێڵەی وەزارەتی دارایی عێراق تێپەڕیووەو هەستی پێنەکراوە.

بڵاوی بکەوە
  • theme deafult color