گرنگ

ڕێکەوتن بۆ ئەنجامدانی دانیشتنی ئەنجومەنی پارێزگای کەرکوک کرا


 
 
لەكۆبونەوەی سەرۆک وەزیرانی عێراق لەگەڵ نوێنەری لایەنە براوەکانی کەرکوک بەمەبەستی پێکهێنانی حکومەتی خۆجێی کەرکوک ،ڕێکەوتن بۆ ئەنجامدانی دانیشتنی ئەنجومەنی پارێزگای کەرکوک کرا .
 
لەمبارەیەوە نوسینگەی ڕاگەیاندنی سەرۆک وەزیرانی عێراق ڕایگەیاندووە، کە لە کۆبونەوەکە پێداچوونەوە بە هەوڵەکانی پێشوو و ڕاوێژکراوە بۆ پەسەندکردنی وەرەقەی ڕێککەوتنی سیاسی نێوان پێکهاتەکانی پارێزگا و میکانیزمی پێویست بۆ پێکهێنانی حکومەتی خۆجێی پارێزگاکە بەپێی یاسا.
 
لە ڕاگەیەندراوەکەدا هاتووە، کۆبونەوەکە لەپێناو پاراستنی پێکەوەژیانی ئاشتیانە و برایانە لە نێوان پێکهاتەکانی کەرکوک بەبێ دوورخستنەوە و پەراوێزخستنی هیچ لایەک بووە و لە میانی کۆبوونەوەکەدا وەرەقەیەکی سیاسی پەسەندکراوە، هاوکات بەشێک لەو تێبینیانەی لایەنەکان وەرگیراون و دیراسە و پێداچوونەوەیان بۆ کرا.
 
هەروەها ڕێککەوتنێک کرا بۆ ئەنجامدانی دانیشتنێکی ئەنجومەنی پارێزگا لە کاتێکی نزیکدا بەمەبەستی دەستپێکردنی ڕێکارە دەستوورییەکانی پێکهێنانی حکومەتی خۆجێی پارێزگاکە و پەسەندکردنی ناوەڕۆکی ئەو وەرەقەیەی دەبێتە ڕێککەوتنێکی سیاسی.
 
بڵاوی بکەوە
  • theme deafult color