عربي
بۆ کورسی کۆتای تورکمان لەسلێمانی هەریەک لە یەکێتی و پارتی و بەرەی تورکمانی کاندیدیان هەیە و کەسێکیش بەسەربەخۆ خۆی کاندید کردووە. بەپێی زانیاریەکانی بوار، بەرەی تورکمانی عێراق سەزگین موسڵح عەلوش بەیاتلی بەرپرسی لقی کفری بەرەی تورکمانی کاندید کردووە بۆ کورسی کۆتای پارێزگای سلێمانی، لە بەرامبەردا یەکێتی و پارتی کاندیدیان هەیە و جگە لە بەرپرسەکەی بەرەی تورکمانی هەریەک لە حسین عەلی ئەڵوەنداوی و نەجدەت نوری و زینە عادل بەیاتلی کێبڕکێی کورسیەکەی تورکمان لە کفری دەکەن. بوار زانیویەتی پارتی زینە عادل کاڕگێڕی ناوچەی کفری کاندید کردووە و هەریەک لە پارتی و یەکێتی و بەرەی تورکمانی چاویان لە کورسی کۆتای تورکمانە و هەموو کاندیدەکان لە قەزای کفرین بەو پێیەی تورکمانەکانی پارێزگای سلێمانی لەو قەزایە نیشتەجێن.
