عربي
#بوار
كۆبونەوەی ئەمرۆی وەزیری دارایی عێراق لەگەڵ بانكەكانی رەشیدو رەفیدەین و تی بی ئای، لەسەر داواكاری سەرۆك وەزیرانی عێراق بووە.
لەسەر داوای محەمەد شیاع سودانی سەرۆک وەزیرانی عێراق کۆبونەوەیەک لە نێوان وەزیری دارایی عێراق و بەڕێوەبەرانی بانکەکانی ڕەشید و ڕافیدەین و تی بی ئای ئەنجام دەدرێت. کۆبونەوەکە تایبەت دەبێت بە گفتوگۆ لەسەر تەوتین و هەژماری من.
لەسەردانەکەی دوێنێی سودانی بۆ لای حزبە سیاسییەکانی هەرێم بەشێک لەو حزبانە بەتایبەت یەکێتی داوایان کردووە سودانی کار ئاسانی بۆ کردنەوەی لقی بانکە عێراقیەکان لە هەرێم بکات و بڕیاری دادگای فیدڕاڵی سەبارەت بە تەوتین جێبەجێ بکرێت.
بەرپرسانی یەكێتی لە كۆبوەكەیاندا لەگەڵ سودانی گلەییان لە سودانی كردووە کە سەرەڕای چەندین داواکاری بۆ تەوتینی موچەی فەرمانبەران وەڵامدانەوەی حکومەتی عێراق و بانکە فیدڕاڵیەکان وەک پێویست نەبووە.
سودانی لە کۆبونەوەکانیدا لە سلێمانی ئەوەی ڕاگەیاندووە داوای کۆبونەوەی لەتەیف سامی وەزیری دارای عێراق کردووە لەگەڵ بەڕێوەبەرانی بانکەکانی ڕەشید و ڕافیدەین و تی بی ئای كردووە لەسەر پرسی هەژماری من و تەوتین و کردنەوەی لقی نوێ لە هەرێمی کوردستان.
