وەزیری نەوتی عێراق ئاماژە بەوەدەكات لە پرۆژەیاسای هەمواری بودجەی عێراق كرێی دەرهێنان و تێچووی نەوت بە بۆ هەر بەرمیلێك بە 16 دۆلار دیاركراوە، هاوكات دوای پەسەندكردنیشی دەبێت هەرێم رۆژانە 250 تا 300 هەزار بەرمیل نەوت ڕادەستی كۆمپانیای سۆمۆ بكات.
حەیان عەبدولغەنی، وەزیری نەوتی عێراق بە ئاژانسی هەواڵی فەرمی حكومەتی عێراقی ڕاگەیاندووە: پرۆژە یاسای هەمواركردنەوەی بودجەی تایبەت بە نەوتی هەرێمی كوردستان لەلایەن حكومەتەوە پێشكەشی پەرلەمان كراوە و بە گوێرەی هەمواركردنەوەش ١٦ دۆلار لەبەرامبەر هەر بەرمیلێك نەوتدا دەدرێت بە هەرێم.
ئاماژەی بەوەشكردووە، دەبێت هەرێم رۆژانە ٢٥٠ بۆ ٣٠٠ هەزار بەرمیل نەوت لە رۆژێكدا لە رێگەی كۆمپانیای بەبازاڕكردنی نەوت (سۆمۆ)وە بفرۆشێت و بەوشێوەیە بەردەوام دەبێت تاوەكو لێكۆڵینەوە دەكرێت و نرخێك دیاریدەكرێت بۆ تێچووی راستەقینە.
هاوكات باسم عەوادی وتەبێژی حكومەتی عێراقیش باسی لەوەكردووە، جەخت دەكەنەوە لەوەی كە هەرێم دەبێت پابەند بێت بە رادەستكردنی داهاتەكان بە گوێرەی بڕیارەكانی دادگای فیدراڵی و یاسا پێویستە هاوكاری هەردوولا هەبێت بۆ چارەسەركردنی كێشەكان.
عربي
