تۆڕی هەواڵی بوار

ئایا کۆڕەک تیلیکۆم لەسەر کوردایەتى سزا دراوە؟

2025-02-21

#بوار ئەم رۆژانە بۆ کۆمپانیاى کۆڕەک تیلیکۆم رۆژانى نەهاتن، سزا لە دواى سزا دەدرێت و رۆژ لە دواى رۆژیش بەشداربووەکانى هەڵدەوەرن. بەرپرسانى کۆمپانیاکە سزادانەکە بە کوردایەتییەوە دەبەستنەوەو پێیانوایە فشارى سیاسییە و هیچ پەیوەندى بە رێکارە کارگێڕى و یاساییەکانەوە نییە. کۆمپانیای کۆڕەک تیلیکۆم ساڵی 2000 دامەزراوە، لە ساڵی 2007ـەوە بووە یەکێک لەو سێ کۆمپانیایەی مۆبایل کە مۆڵەتی کارکردنی لە سەرانسەری عێراق پێدراوە. فۆناغى یەکەمى سزادانەکەى کۆڕەک لە مانگى 11ـى 2023ـەوە دەستیپێکرد کە پەیوەندی لەنێوان بەشداربووانی کۆڕەک تلیکۆم و کۆمپانیاکانی دیکەی پەیوەندی راگیرا. سێشەممەى رابردووش قۆناغی دووەمى دەستیپێکردنى کە راگرتنی هێڵی ئینتەرنێت بوو لەسەر هاوبەشانی. کۆمپانیای کۆڕەک تیلیکۆم، بڕیارەکەی دەستەی پەیوەندی و راگەیاندنەکانى عێراقى نە "فشاری سیاسی" ناوبردو و گوتى "ئامانج لێی دوورخستنەوەی کۆمپانیاکەمانە بە قازانجی لایەنێکی دیکە." هەروەها ‎سیروان بارزانی، کە ژەنەڕاڵێکى خۆشگوزەران و سەرمایەدارى هەرێمى کوردستان و بەڕێوەبەری گشتیی کۆمپانیای کۆڕەک تیلیکۆمە، گوتى ئەو بڕیارەی دەستەی راگەیاندن و پەیوەندییەکانی عێراق سیاسییە نەک دارایی. هەروەها مازن سیروان بارزانى، بەڕێوەبەرى پەیوەندییەکانى کۆڕەک رایگەیاند، بڕیارەکە کێشەیەکى سیاسییە و دژى کوردە. سیروان بارزانى و کوڕەکەى بەروونى ناڵێن کە بۆچى فشارێک سزادانەکە فشارى سیاسییە، پێدەچێت مەبەستیان قۆناغى شەڕى داعش بێت کە سیروان بارزانى بەرپرسى میحوەرى گوێر بوو، هەندێکجار بە هێلیکۆپتەر و هەندێکجاریش بە کاروانى ئۆتۆمبێل پێشمەرگەکانى بەسەر دەکردەوە و ئەو کاتە وەک ژەنەڕاڵ ناوى دەرکرد. بەڵام دەستەی راگەیاندن و پەیوەندییەکانی عێراق، رەتیدەکاتەوە سزادانەکە سیاسى بێت و دەڵێت بڕیاری سزادانی کۆمپانیای کۆڕەک تیلیکۆم بەهۆی پابەندنەبوونی بە پێدانی قەرزە کەڵەکەبووەکانی و بەردەوامبوونی لە سەرپێچییەکانى بووە. هەروەها لیژنەی دەستپاکی پەرلەمانی عێراق ئاشکرایکردووە، کۆمپانیای کۆرەک تیلیکۆم زیاتر لە ملیارێک و 300 ملیۆن دۆلار قەرزاری حکومەتی عێراقە. لەگەڵ بڵاوبوونەوەى هەواڵى سزادانەکە و کاردانەوەکەى سیروان بارزانى و کوڕەکەى، ئەو بەسەرهاتەیان گێڕایەوە کە لەبەردەم مزگەوتى گەورەى سلێمانى لەسەرووبەندى سەرهەڵدانى بزووتنەوەى گۆڕاندا روویدا بوو. دەڵێن پیاوێک لاى مزگەوتى گەورە تەحەروش بە ژنێک دەکات و کە ژنەکە بەهاوار دێت و خەڵک لێیان کۆدەبێتەوەو پۆلیس دەستگیرى دەکەن، ئەویش بۆ ئەوەى لەبەرچاوى خەڵک نەشکێت، بە دەنگى بەرز هاوار دەکات بشمکوژن هەر گۆڕانم.

ئایا کۆڕەک تیلیکۆم لەسەر کوردایەتى سزا دراوە؟

بڵاوی بکەوە

نوێترین

بەشەکان

هاوپۆلەکان

پەیوەندی

درێژەی بابەت

ئایا کۆڕەک تیلیکۆم لەسەر کوردایەتى سزا دراوە؟

بڵاوی بکەوە

نوێترین

بابەتی هاوشێوە