ئەندامێكی پەرلەمانی كوردستان ئاماژە بەوەدەكات تەنها داهاتی ساڵی ڕابردووی یەك كۆمپانیا بەناوی (شاماران) لە فرۆشتنی نەوت بریتی بووە لە پارساڵ لە نەوت 109 ملیۆن دۆلار بوە، بەڵام داهاتی نەوت بۆ خەزێنەی حكومەت سفر بووە عەلی حەمەساڵح، پەرلەمانتاری پەرلەمانی كوردستان لە هەژماری تایبەتی خۆی بڵاویكردەوە، داهاتی گشتی كۆمپانیای شاماران لە تەواوی ساڵی 2024 بریتی بوە لە (109 ملیۆن و 392 هەزار) دۆلار، لەكاتێكدا داهاتی نەوت بۆ خەزێنەی حكومەتی هەرێمی كوردستان سفر بوە. ئاماژەی بەوەشكۆدووە، بەگوێرەی ڕاگەیەندراوی كۆمپانیای شاماران پترۆلیۆم، داهاتی گشتی كۆمپانیاكە لە ساڵی 2023 (82 ملیۆن و 886 هەزار) دۆلار بوە، بەو پێیە بەراورد بە ساڵی 2024 داهاتەكەی بڕی (26 ملیۆن و 506 هەزار) دۆلار بە ڕێژەی (32%) زیادیكردوە. ئەو پەرلەمانتارە ئەوەشی خستووەتەڕوو، كۆمپانیای شاماران پترۆلیۆمی كەنەدی، پشكی لە هەردوو كێڵگەی نەوتی (سەرسەنگ و ئەتروش) هەیە و بەپێی ڕاگەیەندراوەكەی كۆمپانیاكە، بەرمیلێك نەوتی خاوی هەردو كێڵگە نەوتییەكە بە كڕیاریانی ناوخۆ فرۆشراوە، لە چارەكی سێیەمی 2024 هەر بەرمیلێك نەوت بە بەتێكڕا فرۆشراوە بە (35 دۆلار و 65 سەنت.