گرنگ

عومەر گوڵپی: نرخی كارەبای 24 كاتژمێری جێگیر بكرێت، قوتابخانەكانیش دەكرێنە بازرگانی

2025-04-03

 

كاندیدی دەرچوی پەرلەمانی كوردستان ئاماژە بەوەدەكات ئەگەر نرخی كارەبای 24 كاتژمێرییان بۆ بچێتە سەر، لە داهاتودا بۆ دابینكردنی ئاوی خواردنەوەو ڕێگاوبان و نەخۆشخانەو قوتابخانەش وا دەكەن. عومەر گوڵپی، كاندیدی دەرچوی پەرلەمانی كوردستان ڕایگەیاند: ئەركی حكومەت و وەزارەتی كارەبا دابینكردنی شەش سەعات كارەبا نییە وەك لە 33 ساڵی ڕابردودا كردویانە، بەڵكو ئەركیان دابینكردنی كارەبایە بە شێوەی بەردەوام، بۆ ئەو ئەركەش پارەو توانای گەورەیان لەبەردەستدا بوە چ ئەو كاتانەی بودجەی زەبەلاح لە بەغداوە دەهات چ كاتی فرۆشتنی نەوت بەبۆری و تا ئێستەش، بەڵام ئەوان سەرقاڵی دەوڵەمەندكردنی حزبەكانیانن نەوەك چاككردنی كارەباو خزمەتگوزارییەكان ئاماژەی بەوەشكردوە، لە 33 ساڵی ڕابردودا كە نەیانتوانیوە كارەبای بەردەوام بۆ هاوڵاتیان دابین بكەن هۆكارەكەی شكستیان بوە بەهۆی گەندەڵی و قۆرخكارییەوە، لە شەش مانگی ڕابردودا بۆ زانینی هەستی خەڵك نرخێكی بازرگانیان لەسەر كارەبا داناوە بەناوی كارەبای (24 سەعاتی) كە لە 100 دینارەوە دەستپێدەكات بۆ 156 دینارو زیاتریش، كەچی ئێستا دێن دەیانەوێت بە پاساوی گوێگرتن لە ناڕەزایی هاوڵاتیان شتێك لەو نرخانە بێنە خوارەوەو ئیتر بۆ هەمیشە نرخی بازرگانی بسەپێنن و خەڵكیش سوپاسیان بكات بۆ ئەو كەمكردنەوەیە عومەر گوڵپی هۆشداریش دەدات لەوەی ئەگەر ئەمەیان بۆ بچێتە سەر، لە داهاتودا بۆ دابینكردنی ئاوی خواردنەوەو ڕێگاوبان و نەخۆشخانەو قوتابخانەش وا دەكەن، بۆیە نابێت خەڵك ڕازی بێت خزمەتگوزارییە گشتیەكان بكرێنە نرخی بازرگانی.

بڵاوی بکەوە
  • theme deafult color