خالید شوانی وەزیری دادی عێراق رایگەیاند، ئەو لیژنەیەی بۆ چارەسەری كێشەی مووچە پێكهێندراوە سبەی نیوەڕۆ كۆدەبنەوە "بەو هیوایەی كێشەی مووچە چارەسەربكرێت". خالید شوانی، یەکێک لە ئەندامانی لیژنەکە رایگەیاندووە، ٦٨ رۆژە دابەشكردنی مووچە دواكەوتووە و داوایانكردووە مووچە خەرجبكرێت و لەگەڵ ئەوەشدا وردبینی بكرێت و كێشەكان چارەسەربكرێن و هیوادارن لە ٤٨ کاتژمێر کێشەکە چارەسەر بکەن. ناوبراو وتویەتی "هەر كات گەیشتینە رێككەوتن كۆبوونەوەی ئەنجومەنی وەزیرانی عێراق ئەنجام دەدرێت و دەنگ لەسەر پێشنیازەكان دەدرێت".