عربي
ئەندامێكی تیمی پارێزەرانی لاهور شێخ جەنگی ئاماژەبەوەدەكات داوامان لەدادگای فیدراڵی عێراق كردووە بڕیارێك دەربكات بۆ داوای گواستنەوەی دۆسیەی لاهورشێخ جەنگی لەهەرێمەوە بۆ دادگای بەغدا، جەختیشەدەكاتەوە لەبەغداش تیمێكی پارێزەرانمان پێكهێناوە. ئەحمەد خەسرەو، ئەندامی تیمی پارێزەرانی لاهور شێخ جەنگی سەرۆكی دەستگیركراوی بەرەی گەل ڕایگەیاند: داوامان لەدادگای فیدراڵی عێراق كردوە دۆسیەی لاهور شێخ جەنگی بگوازێتەوە بۆ بەغداو لەوێ دادگایی بكرێت. ئاماژەی بەوەشكردووە، تیمێكی پارێزەرانمان لەبەغداش پێكهێناوەو داوامانكردووە دۆسیەكەی بگوازرێتەوە بۆ بەغدا، هاوكات پێمانوایە دادگای فیدراڵیش بەگوێرەی یاسا داواكە قبوڵدەكات، چونكە دادگای فیدراڵی وەك بەرزترین دادگای وڵات دەتوانێت داوا لەدادگای پارێزگاكان بكات دۆسیەكە بگوازنەوە بۆ هەر شارێكی تر كە بڕیاری لێبدات. ئەو ئەندامەی تیمی پارێزەرانی لاهور شێخ جەنگی باسی لەوەشكردووە، بەهیواین لەدادگاییەكی عادیلانەدا ئەو تۆمەتانە پوچەڵبكرێنەوە كە ئاراستەی لاهور شێخ جەنگی كراون.
