سوپای ئیسرائیل دواین ئاماری ژمارەی كوژراوانی سەربازەكانی لە ڕۆژی دەستپێكردنی شەڕی غەززەوە تا ئەمڕۆ ڕاگەیاند بەجۆرێك ژمارەی كوژراوانی سوپای ئیسرائیل 900 سەربازی تێپەڕاند و هاوكات نزیكەی 63 هەزار فەلەستینیش گیانیان لەدەستداوە. بەگوێرەی ماڵپەڕی فەرمی سوپای ئیسرائیل، لە سەرەتای دەستپێكردنی شەڕی غەززە لە 7ـی ئۆكتۆبەری 2023، ژمارەی سەربازە كوژراوەكانی وڵاتەكەی گەیشتووەتە 900 سەرباز لە ڕۆژی 7ـی ئۆكتۆبەر329 سەرباز كوژراون، هاوكات456 سەرباز لە ئۆپەراسیۆنە زەمینییەكاندا و 50سەرباز لە هێرشەكەی سەر لوبنان344 سەرباز لە هێرشەكانی سەر حزبوڵڵای لوبنانی و 16سەربازی دیكە لە پێكدادانەكانی كەنارەكانی ڕۆژئاوای غەززە كوژراون. ئاماژە بەوەشكراوە، دوو سەرباز لە هێرشە درۆنییەكانی میلیشیا عێراقییەكان كوژراون، هەروەها لە ئەنجامی هێرشە مووشەكیەكانی ئێران یەك سەرباز كوژراوە، 12سەربازی دیكە لە ڕووداو و ئۆپەراسیۆنەكانی دیكە كوژراون. لە بەرامبەر كوژرانی ئەو 900 سەرباز ئیسرائیلییە، نزیكەی 63 هەزار فەڵەستینی بەدەستی هێزەكانی ئیسرائیل كوژراون و نزیكەی 159 هەزاری دیكەش برینداربوون، كە زۆربەیان منداڵ و ئافرەت بوون و زیاتر لە 10 هەزار كەسیش بێسەروشوێن بوون و سەدان هەزار كەسیش ئاوارە بوون، هەروەها برسیەتی و بەدخۆراكی لە غەززە بووەتە هۆی گیانلەدەستدانی 322 فەڵەستینی كە 121یان منداڵن.