پەرلەمانتارێكی پارتی ئاشكرایكرد رۆژی سێشەممە شاندێكی وەزارەتی سامانە سرووشتییەكانی حكومەتی هەرێم لە بەغدا لەگەڵ وەزارەتی نەوتی عێراق و كۆمپانیاكانی نەوت كۆدەبنەوە بۆ بڕیاردان لەسەردەستپێكردنەوەی هەناردەی نەوت. شێروان دووبەردانی، ئەندامی پەرلەمانی عێراق لە فراكسیۆنی پارتی ڕایگەیاند: وابڕیارە رۆژی سێشەممەی ئەم هەفتەیە، وەزارەتی سامانە سرووشتییەكانی حكومەتی هەرێم، لەگەڵ كۆمپانیاكانی نەوت و وەزارەتی نەوتی عێراق لە بەغدا كۆببنەوە بۆ درێژەدان بە گفتوگۆكانیان سەبارەت بە رێككەوتنی نێوانیان بۆ دەستپێكردنەوەی هەناردەكردنی نەوت.