کازمی 600 مەتر زەوی گرانبەها دەبەخشێتە وەزیرەكانی كابینەكەی خۆی‌و عادل عەبدولمەهدی
بوار، بەغدا
حەسەن جەنابی وەزیری پێشووی سەرچاوەکانی ئاو ئاشكرایكرد، مستەفا كازمی سەرۆك وەزیرانی عێراق زەوی بەخشیوە بە وەزیرەکانی لەكابینەكەی خۆی‌و وەزیرەكانی كابینەكەی عادل عەبدولمەهدی سەرۆك وەزیرانی پێشوو.
جەسەن جەنابی ئاشكراشیكرد، كازمی رووبەڕی 600 مەتر لە زەوی گرانبەها بەخشیوە بەوەزیرەكانی كابینەكەی خۆی‌و كابینەكەی عادل عەبدولمەهدید.
ئەو بەرپرسەی پێشووی عێراق باسی لەوەش كردووە، كە كازمی بە فەرمانی نهێنی ئەو زەوییانەی بەخشیوە بەو وەزیرانە، ئەوەش لەپێناوی ئەوەی كاردانەوە لەسەر ئەو بەخشینە لەناو خەڵك دروست نەبێت.
