پەرلەمانتارێکی لە ئەنجومەنی نوێنەرانی عێراق هۆشداری توند دەدات و ڕایدەگەیەنێت ئەوەی ڕوو دەدات لە کەرکوک لە سەردەمی سەدامیش ڕووی نەداوە.
دیلان غەفوور، دەڵێت ”سەرپێچییەكانی ئیدارەی بەوەكالەتی ئێستای كەركوك و نیگەرانییەكانی كورد دەگەیەنمە بەغداو لەدادگەی فیدراڵی سكاڵا تۆماردەكەم”.
دیلان غەفور، لە لێدوانێکی ڕۆژنامەوانیدا ڕاگەیاند: ئیدارەی بەوەكالەتی كەركوك لەئەنجامدانی پرۆژەو خزمەتگوزاریدا جیاوازی دەكات و زیاتر خزمەتی باشووری پارێزگاكە دەكات كە زێدی خۆیەتی.
وتیشی: ئەوەی ئێستا لەكەركوك دەگوزەرێت، لەسەردەمی سەدام حسێنیشدا ڕووینەداوە، هیچ پۆستێكی سەرەكی و گرنگی پارێزگاكە لە دەستی كورددا نییە، پارێزگارو سێ قائیمقام و فەرماندەی پۆلیس هەمووی لەدەستی عەرەب و توركماندایە.
