بوار:

رۆکى گروپێکى مافیایی بەناوبانگ، کە ساڵی ڕابردوو بە بەکارهێنانی پەردەی جێگا لە زیندانێکی ئاسایش لە ئیتاڵیا هەڵهاتبوو، جارێکی دیکە لە فەرەنسا دەستگیرکرایەوە، بەپێی دەسەڵاتدارانی هەردوو وڵات.

دەسەڵاتدارانى هەردوو وڵات ڕایانگەیاند، مارکۆ ڕادوانۆ کە لە لیستی تاوانبارانی داواکراوی یۆرۆپۆلیسدایە، لە شاری باستیا لە دوورگەی کۆرسیکای فەرەنسا دەستگیرکراوە.

لە مانگی شوباتی ساڵی ٢٠٢٣، ئەو پیاوە تەمەن ٤٠ ساڵە، خەڵکی شاری ڤیێستی کەنار دەریا لەسەر دەریای ئەدریاتیک، توانی لە زیندانی نوورۆ، لە سەردینیا هەڵبێت، بە بەکارهێنانی شێوازی تەقلیدی پەڕۆی گرێدار بۆ دابەزین لە ڕێگەی دیوارەکان، کە بووە هۆی سەرلێشێواوی بۆ دەسەڵاتداران.

ماتیۆ پیانتیدۆسی، وەزیری ناوخۆی ئیتاڵیا ڕایگەیاند، هاوبەشی ڕادوانۆ، جیانلویجی ترۆیانۆ، لە نزیک گرانادا لە ئیسپانیا دەستگیرکراوە، کە ئەمەش "لێدانێکی گەورەی دیکەیە بۆ تاوانە ڕێکخراوەکان".

ڕادوانۆ سەرۆکی گروپی گارگانۆیە، کە لە چوارچێوەی "مافیای پێنجەم"دا کاردەکەن، کە باندێکی تاوانکاری تاڕادەیەک نەناسراون و بنکەکەیان لە فۆگیا، پارێزگایەکی باشووری پوگلیای ئیتاڵیایە.

بەگوێرەی ڕاپۆرتی یورۆپۆلیش، ناوبراو بە تاوانی جۆراوجۆر سزای ٢٤ ساڵ زیندانی بەسەردا سەپێنرابوو، لەوانە تێوەگلان لە ڕێکخراوێکی تاوانکاری، بازرگانیکردن بە ماددە هۆشبەرەکان و هەڵگرتنی چەکی نایاسایی.

یۆرۆپۆلیش ئاماژەی بەوەشکردووە، ئەو دیارترین کەسایەتی باندەکە بووە و بکوژێکی بێبەزەیی بووە، بەرپرسیارە لە ئەنجامدانی کوشتن و قاچاخچێتی ماددە هۆشبەرەکان و زەوتکردنی پارە.

بەگوێرەی داواکاری گشتی، ئەم مافیایە بە پلەیەکی بەرزی شەڕانگێزی و توندوتیژی تایبەتمەندە و "تەرى ئەو کەسانەى دەیکوشتن دەیدا بە بەراز، بۆ ئەوەى هیچ ئاسەوارێک بە جێنەهێڵێت